იმპლანტოლოგია

ვიზიტის დასაჯავშნად ჩაეწერე კონსულტაციაზე. დეტალების დაზუსტების მიზნით, ჩვენი ოპერატორი დაგიკავშირდებათ.

დენტალური იმპლანტაცია

ქართულ რეალობაში ბევრ ადამიანს აქვს ადენტია ან, უფრო გასაგებ ენაზე რომ ვთქვათ, არ აქვს კბილი ან კბილები. თანამედროვე მედიცინა ბუნებრივი კბილების ჩანაცვლების ბევრ ხერხს გვთავაზობს, თუმცა მედიცინის მკვლევარები ამ მეთოდებიდან ყველაზე ეფექტურად დენტალურ იმპლანტაციას მიიჩნევენ. სხვა მეთოდებისგან განსხვავებით, ამ დროს მეზობელი კბილები რჩება ინტაქტური (დაუზიანებელი). 

დენტალური იმპლანტაცია არის ქირურგიული ოპერაცია, რომლის დროსაც პაციენტის ყბის ძვალში იმპლანტოლოგი დენტალურ იმპლანტს ნერგავს. ოპერაციის დროს შესაძლებელია, როგორც ადგილობრივი, ისე ზოგადი ანესთეზია.

კბილების იმპლანტაციის ეტაპები:

  1. დაგეგმარება
  2. მორგება
  3. ინტეგრაცია
  4. აბატმენტის მოთავსება
  5. აბატმენტზე გვირგვინის დამაგრება

კბილის იმპლანტი

დენტალური იმპლანტი არის ხელოვნური ფესვი, რომელიც დამზადებულია ბიოშეთავსებადი მასალით. იმპლანტი თავსდება ყბის ძვალში ხელოვნური გვირგვინის (კბილის) ან ხიდის დასაფიქსირებლად. კბილის ან კბილების დაკარგვის შემდეგ დენტალური იმპლანტი არის იდეალური გამოსავალი კბილთა მწკრივის დეფექტის აღსადგენად. იგი იდეალურად ერწყმის ყბის ძვალს და  საშუალებას გვაძლევს სრულად აღვადგინოთ ფუნქცია და ესთეტიკა. 

ბლიც დენტალი - კახებერ ხარებავას კლინიკაში იმპლანტაციური მკურნალობის დაგეგმარება ხდება ციფრული ტექნოლოგიების და ქირურგიული შაბლონების გამოყენებით, რაც უზრუნველყოფს დენტალური იმპლანტების ზუსტ განთავსებას და შემდგომში საშუალება გვეძლევა მივიღოთ პროგნოზირებადი შედეგები ორთოპედიული მკურნალობისას. საუკეთესო იმპლანტოლოგი, უმაღლესი ხარისხის ტექნოლოგია და იმპლანტები კი თქვენი თავდაჯერებული ღიმილის გარანტია.

კბილის ან კბილების დაკარგვის შემდეგ, დენტალური იმპლანტი არის იდეალური გამოსავალი კბილთა მწკრივის დეფექტის აღსადგენად. იგი იდეალურად ერწყმის ყბის ძვალს და  საშუალებას გვაძლევს სრულად აღვადგინოთ ფუნქცია და ესთეტიკა. იმპლანტების რაოდენობა შეზღუდული არ არის, თუმცა ეს იმას არ ნიშნავს რომ სრული ადენტიის (უკბილობის) დროს საჭიროა 32 იმპლანტი. მათი რიცხვი დამოკიდებულია კლინიკურ შემთხვევაზე. კონსულტაციის შემდეგ ექიმი კომპიუტერული პროგრამისა და პაციენტის ტომოგრამის დახმარებით ქმნის სამგანზომილებიან მოდელს და ატარებს ოპერაციის სიმულაციას. ამ დროს ექიმს საშუალება აქვს კომპიუტერული პროგრამის დახმარებით განსაზღვროს თითოეული იმპლანტის იდეალური ზომა და პოზიცია. პროგრამიდან მიღებული ინფორმაციით სპეციალური სამგანზომილებიანი პრინტერი ბეჭდავს პაციენტზე მორგებულ შაბლონს და მისი დახმარებით ვსვამთ იმპლანტს პირის ღრუში ოპერაციის დროს. პროცედურა ტარდება სრულიად უმტკივნეულოდ და ზედმეტი დისკომფორტის გარეშე.

იმპლანტის უპირატესობები:

იმპლანტი სრულად ანაცვლებს ბუნებრივი კბილის ფესვს.

პროთეზისაგან განსხვავებით, რამდენიმე კბილის იმპლანტის ჩასმის დროს, მეზობელი კბილების ქსოვილის არარაციონალური კარგვა არ ხდება და პროფესიონალი იმპლანტოლოგის მიერ ჩასმული იმპლანტები მთელი ცხოვრების მანძილზე გაგყვებათ, რა თქმა უნდა, თუ სწორად მოუვლით. 

დენტალური იმპლანტაცია ფასები

დენტალური იმპლანტის ფასი დამოკიდებულია იმპლანტის ხარისხზე. ბლიც დენტალ - კახაბერ ხარებავას კლინიკაში ვიყენებთ უმაღლესი ხარისხის იმპლანტებს. იმპლანტის ფასი ხარისხთან შედარებით საკმაოდ ხელმისაწვდომია. კონკრეტული იმპლანტის ფასის გასაგებად ჩაეწერე კონსულტაციაზე.

მიანდე საკუთარი ღიმილი საუკეთესო იმპლანტოლოგს და #გაიღიმეთავდაჯერებულად.