რა არის დენტალური ვინირები?

ვინირები აუმჯობესებს კბილებს როგორც ესთეტიურად, ასევე ფუნქციურად. ის აღადგენს როგორც ფორმას, ფერს, რკალში კბილთა დგომას, ასევე აუმჯობესებს ღეჭვის ფუნქციას, რაც ორგანიზმის ჯანმრთელობისთვის ძალიან მნიშვნელოვანია.

ვინირება გულისხმობს 0.2-0.5 მმ სისქის ფაიფურის (კერამიკის) ფირფიტებით კბილის გარეთა ზედაპირის დაფარვას, როგორც ერთი კბილის მიდამოში, ასევე ტოტალური რეაბილიტაციისას.

ფაიფურის (კერამიკული) ვინირების მეშვეობით შესაძლებელია კბილის ფორმის, ზომისა და ფერის გამოსწორება. აღნიშნული მეთოდი აქტიურად გამოყენება ესთეტიურ სტომატოლოგიაში და გვაძლევს საშუალებას ქსოვილის მინიმალური დანაკარგით დავაკორექტიროთ კბილები.

ვინირ 360 

ვინირ 360 ფუნქციურად იგივეა, რაც კლასიკური ვინირი. ერთადერთი განსხვავება ის არის, რომ ვინირ 360-ის შემთხვევაში ხდება კბილის მთელი ზედაპირის დაფარვა თხელი ფაიფურის (კერამიკის) ფირფიტებით, რომელიც ყველა ზედაპირიდან იცავს კბილის ბუნებრივ ქსოვილს არასასურველი და მავნე ფაქტორებისგან: ბრუქსიზმი, დიდი რაოდებნობით თამბაქო, პიგმენტური საკვები, ყავა და ა.შ.

ციფრული ტექნოლოგიების მნიშვნელობა ვინირების დროს

 

რა შემთხვევაში კეთდება ვინირები? 

არასასურველი ფერის დროს

მისი უპირატესობა მდგომარეობს ფერის მდგრადობაში. თერაპიული (ბჟენით) შესრულებული რესტავრაციებისგან განსხვავებით ვინირი არ იცვლის ფერს და არ კარგავს სიპრიალეს, შესაძლებელია კბილების რამდენიმე ტონით გაღიავება. 

არასასურველი ფორმის შემთხვევაში

ბევრს აწუხებს არათანაბარი ზომისა და ფორმის კბილები, რაც ესთეტიკურ დისკომფორტს უქმნის ადამიანს. ვინირების საშუალებით ხდება კბილის ფორმისა და ზომის ცვლილება, ასევე ივსება ტრემები და დიასთემები. 

კბილთა ცვეთისას

ფიზიოლოგიური ცვეთა გამოწვეულია ასაკის მატებასთან ერთად. ამ დროს ხდება კბილის სიგრძის დამოკლება, თუმცა არ ხდება ფუნქციური ცვლილებები. პათოლოგიური ცვეთა ეწოდება კბილის მაგარი ქსოვილების პროგრესულ განლევას, რის გამოც კბილები მნიშვნელოვნად იცვლიან ფორმას და თანდათან წყვეტენ ნორმალურ ფუნქციონირებას. 

კბილთა დგომის ანომალის დროს

ამ შემთხვევაში რკალის გამოსასწორებლად აუცილებელია კბილების პრეპარირება. გამონთავისუფლებული სივრცეების ხარჯზე ხდება კბილთა დგომის ჩასწორება. 

რა ეტაპებია გასავლელი ვინირებამდე? 

• პირველი ეტაპია კონსულტაცია, რომლის დროსაც ფასდება ზოგადი მდგომარეობა.
• მეორე ეტაპი, საჭიროების შემთხვევაში, კბილების პროფესიული წმენდაა.
• მესამე ეტაპია 3D ტომოგრაფია. ჩვენს კლინიკაში Orthophos SL 3D-ს საშუალებით ხდება All-in-one ვირტუალური ვიზუალიზაცია.