თქვენი ბავშვის პირის ღრუს ჯანმრთელობა ისეთივე მნიშვნელოვანია, როგორც მისი ფიზიკური განვითარების ნებისმიერი სხვა ასპექტი. სწორი და პერმანენტული მოვლის, დაბალანსებული დიეტისა და რეგულარული სტომატოლოგიური ვიზიტების შემთხვევაში, ბავშვებს შეუძლიათ მთელი სიცოცხლის მანძილზე შეინარჩუნონ ჯანსაღი ღიმილი.
სტომატოლოგიური პრობლემების პრევენცია და პირის ღრუს ჯანმრთელობასთან დაკავშირებით სათანადო ინფორმაციის ქონა, არის ჯანსაღი, სასიამოვნო ღიმილის მთავარი საწინდარი. პედიატრიული სტომატოლოგიის ამერიკული აკადემია ურჩევს მშობლებს, ბავშვის პირველი ვიზიტი სტომატოლოგთან განახორციელონ პირველ დაბადების დღემდე ან პირველი კბილის ამოღებიდან არაუგვიანეს ექვსი თვის შემდეგ.
მაშინ, როცა საკითხი ეხება მცირე ასაკის პაციენტებს, ჩვენი კლინიკის გუნდის ერთ - ერთი მთავარი მიზანია, რომ თითოეული ბავშვის პირველი ვიზიტი სტომატოლოგთან იყოს მშვიდი, მხიარული და პოზიტიური გამოცდილებებით სავსე. რაც უფრო ადრე დაიწყებენ ბავშვები რეგულარულ ვიზიტებს სტომატოლოგთან, მით უფრო მაღალი იქნება მათი შანსი მთელი ცხოვრების განმავლობაში შეინარჩუნონ მომხიბვლელი და ჯანსაღი ღიმილი. გამოკვლევები ადრეულ ასაკში, საუკეთესო საშუალებაა იმისთვის, რომ მოხდეს კარიესისა და სხვა სახის პრობლემების (მაგალითად ღრუებისა და ლაქების წარმოქმნა) თავიდან აცილება. როდესაც ბავშვებს ჯანსაღი კბილები აქვთ, მათ შეუძლიათ ადვილად ღეჭონ საკვები, ისწავლონ გარკვევით ლაპარაკი და თავდაჯერებულად ღიმილი.
ადრეული ასაკის პაციენტებმა თავი უნდა იგრძნონ მაქსიმალურად კომფორტულად და დაცულად იმ გარემოში, რომელიც მათთვის სიახლეს წარმოადგენს. ადრეული ვიზიტების დაწყება სტომატოლოგთან, ბავშვებს ეხმარება შეეგუონ სტომატოლოგის კაბინეტს. მისთვის დამახასიათებელ ხმებსა და სპეციფიურ სუნებს. თავის მხრივ, მთელი ეს პროცესი ემსახურება მთავარ მიზანს, რომელიც გულისხმობს, რომ ბავშვისათვის სტომატოლოგთან მისვლა უნდა იქცეს სახალისო, ერთგვარ სასიამოვნო გამოცდილებად. ჩვენ ვქმნით პოზიტიურ ატმოსფეროსა და მშვიდ, პატარების საჭიროებებზე მორგებულ, კომფორტულ გარემოს.
განსაკუთრებით მნიშვნელოვანია ბავშვმა, რაც შეიძლება მალე დაიწყოს პირის ღრუს ჰიგიენის კარგი ჩვევების შესწავლა. სტომატოლოგთან რეგულარული ვიზიტი დაეხმარება მას გაიგოს, როგორ გამოიყენოს კბილის ჯაგრისი და საწმენდი ძაფები, ასევე რა არის კარიესი და როგორ შეიძლება მისი თავიდან აცილება. ადრეულ ასაკში ჩამოყალიბებული, პირის ღრუს მოვლის სასარგებლო ჩვევები თქვენს პატარას მთელი ცხოვრების მანძილზე გაჰყვება.
ბავშვის კბილები ძალიან მგრძნობიარეა და მათ ადვილად უჩნდებათ ბზარები, ლაქები და კარიესი. ადრეული და რეგულარული პედიატრიულ - სტომატოლოგიური მოვლა დაგეხმარებათ თავიდან აიცილოთ კბილებისა და ღრძილების დაავადებები. სარძევე კბილებში კარიესის გამოვლენა განსაკუთრებით მნიშვნელოვანია, რათა მომავალში მოხდეს კბილების კიდევ უფრო სერიოზული პრობლებემის პრევენცია ორალური ჰიგიენის დაცვით. სტომატოლოგიური ვიზიტები, რომლებიც უნდა დაიწყოს ბავშვის ადრეულ ასაკში, ზრდის შანსს, საწყის ეტაპზე აღმოვაჩინოთ პირის ღრუს სტომატოლოგიური პრობლემები. ბავშვს, ადრეული განვითარების ეტაპზე შესაძლოა დასჭირდეს პრევენციული ქმედებების გატარება, რაც თავის თავში გულისხმობს დალუქვის პროცედურებს (იგივე კბილის დაპლომბვა). პროფესიონალი სტომატოლოგის დროული დახმარებით, შესაძლოა აღმოჩენილ იქნას კბეჩვის ფუნქციის პრობლემები და დაიწყოს ინტერვენციული მკურნალობა, რაც შეამცირებს შემდგომი ორთოდონტიული მკურნალობის ხანგრძლივობასა და ღირებულებას.
ბავშვების პირის ღრუს მოვლის ყველაზე მნიშვნელოვანი ნაწილია, თუ როგორ ხდება კბილებისა და ღრძილების ჰიგიენის დაცვა ყოველდღიურად, სახლის პირობებში. სტომატოლოგს შეუძლია იყოს თქვენი „მასწავლებელი“, რათა დაგეხმაროთ პირის ღრუს მოვლისა და საწმენდი ძაფების გამოყენების პროცესის შესწავლაში, მოგცეთ სასარგებლო რჩევები ჯანსაღი კვების შესახებ და გითხრათ, თუ რა უნდა გააკეთოთ გადაუდებელ სიტუაციებში. ბავშვთა სტომატოლოგი ასევე დაგეხმარებათ პირის ღრუსთან დაკავშირებით არსებული სხვა პრობლემების მოგვარებაში, როგორიცაა სარძევე კბილების ამოღებასთან დაკავშირებული პრობლემები, ცერა თითის წოვა პატარებში (რამაც შემდგომში შესაძლოა გამოიწვიოს მძიმე ორთოდონტიული პრობლემები) ან კბილების წმენდასთან ( საწმენდი ძაფებითა და კბილის ჯაგრისით) დაკავშირებული პრობლემები.
დღევანდელ ბლოგში „ბლიც დენტალი - კახაბერ ხარებავას კლინიკა" გაგაცნობთ კბილების გათეთრებასთან დაკავშირებულ ყველაზე გავრცელებულ მითებსა და რეალობას. ეს ინფორმაცია დაგეხმარებათ მიიღოთ სწორი გადაწყვეტილება თქვენი ღიმილის გალამაზებისთვის.
ინოვაციური ტექნოლოგიები გვეხმარება პაციენტამდე მივიტანოთ ხარისხიანი, უშეცდომო და სწრაფი სერვისი
რატომ არის მნიშვნელოვანი რეგულარული ვიზიტი სტომატოლოგთან ?
დენტალური იმპლანტაციის საჭიროება დგება მაშინ, როცა პაციენტს სრულად აქვს კბილი დაკარგული, შესაბამისად ყბის ძვალში ფესვი არ არის.
რჩევები, რომლებიც დაგვეხმარება დავიცვათ ჩვენი შვილების კბილები კარიესისაგან.
პირის ღრუს მოვლის საშუალებათა გზამკვლევი.
რა არის გნათოლოგია: პირის ღრუს ჯანმრთელობის ძირითადი ასპექტები.
კარიესის ეფექტური მკურნალობა ჩანართებით.
კბილების მომატებული მგრძნობელობა: მიზეზები, სიმპტომები და ეფექტური მკურნალობა.
საკვები, რომელიც დაგეხმარებათ შეინარჩუნოთ პირის ღრუს ჯანმრთელობა და მომხიბვლელი ღიმილი.
კბილების ჯანმრთელობასთან დაკავშირებული რჩევები.
ყველაზე გავრცელებული შეცდომები კბილის მოვლისას.
როგორ დაძლიოთ სტომატოლოგის მიმართ შიში და გავიუმჯობესოთ ჯანმრთელობა.
რა უნდა ვიცოდეთ კბილის არხების მკურნალობაზე?
მომზადება, სარგებელი და გავრცელებული მითები.
რა არის სინუს ლიფტინგი და როდის ხდება ეს პროცედურა აუცილებელი.
საოცნებო ღიმილი მხოლოდ და მხოლოდ 1 დღეში.
ქვეყნის ყველაზე მოთხოვნადი კლინიკა უცხოელი პაციენტებისათვის.
თანამედროვე სტომატოლოგია კბილების გათეთრების სხვადასხვა მეთოდს გვთავაზობს.
ყველაფერი ბრეკეტებით მკურნალობის შესახებ.