ყველაფერი ვინირების შესახებ

11 აპრილი 2024

ვინირება ესთეტიკურ სტომატოლოგიაში ერთ-ერთი ყველაზე პოპულარული და თანამედროვე მეთოდია, რომლის მეშვეობითაც შესაძლებელია კბილის ფორმის, ზომისა და ფერის კორექტირება. საზოგადოებაში ფართოდაა გავრცელებული აზრი, რომ ვინირის კბილეზე დამაგრების დროს, პაციენტის ბუნებრივი კბილი ზიანდება, რაც შემდგომ პირდაპირპროპორციულად იწვევს კბილის დაკარგვას. ეს შეხედულება მცდარია. ვინირება ეს არის ნაკლებად ინვაზიური მეთოდი, რომლის დროსაც პაციენტის ბუნებრივი კბილი მინიმალურად ზიანდება. ვინირების დამაგრების ხარისხი დამოკიდებულია როგორც ვინირების მასალაზე ასევე კბილების მდგომარეობასა და ექიმის პროფესიონალიზმზე. გამოცდილი სტომატოლოგი ვინირების პროცედურის დროს შეინარჩუნებს არა მარტო თქვენი ბუნებრივი კბილების სიჯანსაღეს, არამედ დაიცავს სახის ნაკვთებსა და ვინირებს შორის სიმეტრიას.  ჩვენს გუნდს დღეს სურს გესაუბროთ ვინირებასა და მასთან დაკავშირებულ ისეთ ნიუანსებზე, რომელიც აუცილებლად უნდა ვიცოდეთ.

რატომ უნდა ავირჩიოთ ვინირება?

თანამედროვე ადამიანის ცხოვრების რიტმი საკმაოდ სტრესულია, ხშირად ჩვენ არ გვაქვს საკმარისი დრო იმისთვის, რომ სახლის პირობებში ყოველდღიურად დიდი დრო დავუთმოთ პირის ღრუს სათანადო მოვლას. დროთა განმავლობაში, ჩვენი კბილების გარე ზედაპირი (ემალის საფარი) უამრავი მავნე ფაქტორის ზეგავლენას განიცდის. შედეგად, კბილებზე ჩნდება, მუქი ფერის ლაქები (დისკოლორიტი), ბზარები, ნატეხები და კარიესი. ევროპის მოწინავე უნივერსიტეტების მიერ ჩატარებული კვლევები ადასტურებს, რომ მსოფლიოს მასშტაბით,  ზრდასრული მოსახლეობის თითქმის მესამედს აწუხებს ლაქები და ბზარები კბილის ზედაპირზე. მუქი ფერის საკვების (ჩაი, ყავა და ა.შ) ხშირი მოხმარებისა და ემალის საფარის ცვეთის გამო, ჩვენი კბილები კარგავენ ბუნებრივ, მარგალიტისებურ სიპრიალეს და იცვლიან ფერს. პაციენტებს, რომელთაც  აქვთ თანდაყოლილი ან შეძენილი დეფექტები და არ მოსწონთ თავიანთი ღიმილი, დღეს უკვე შეუძლიათ მარტივი სტომატოლოგიური მანიპულაციებით, სწრაფად მიაღწიონ სასურველ შედეგს. დღესდღეობით, ამ პრობლემების აღმოსაფხვრელად ერთ-ერთი ყველაზე მოთხოვნადი ესთეტიური პროცედურა არის კერამიკული (ფაიფურის) ვინირი.

დენტალური ვინირები სხვადასხვა მასალისაგან მზადდება და ძირითადად ორთოპედიული მიზნით გამოიყენება. კერამიკული ვინირები ფაიფურის თხელი ფირფიტებია, რომლებიც კბილს გარედან ეკვრიან, მათი სისქე საშუალოდ 0.3-0,5 მილიმეტრია.  კერამიკული ვინირების ფიქსაცია შესაძლებელია 18 წლიდან, ყველა იმ პაციენტისათვის, ვისაც სურს უშუალოდ კბილებზე არსებული ხარვეზის კორექცია ან კბილთა რკალში არსებული ანომალიების მკურნალობა. კერამიკული (ფაიფურის) ვინირების უშუალო ფიქსაციამდე მომზადების პროცესი გულისხმობს პაციენტის პირის ღრუს შესწავლას ორთოპედის მიერ ინტრაორალური სკანერის და ფოტოპროტოკოლის გამოყენებით. ამ დროს იქმნება პაციენტის ყბა-კბილთა სისტემის ვირტუალური 3d მოდელი. კომპიუტერული პროგრამის გამოყენება (ვინირების 3d მოდელირება) პაციენტს აძლევს შესაძლებლობას, თავად შეიტანოს ცვლილებები კბილების ფორმებში, ფერსა თუ ზომაში და უკეთ აღიქვას ორთოპედიული პროცედურის შედეგი, რომელიც კერამიკული (ფაიფურის) ვინირების ფიქსაციის შემდგომ მიიღება.

როგორ მოვუაროთ ვინირებს?

კერამიკული ვინირების მოვლა მნიშვნელოვნად არ განსხვავდება ჩვეულებრივი პირის ღრუს ჰიგიენისგან, თუმცა პირველი რამდენიმე დღე სასურველია:

• შეზღუდოთ თამბაქოს მოწევა და ისეთი საკვების მიღება, რომელმაც შესაძლოა კბილის დაფერვა გამოიწვიოს;
• მოერიდოთ ჰორიზონტალურ დატვირთვას, რაც გულისხმობს მყარი საკვების წინა კბილებით გაგლეჯას ან ჩაკბეჩას;
• მოერიდოთ აბრაზიული კბილის პასტის გამოყენებას;
• ყოველ 6 თვეში ერთხელ მიმართოთ სტომატოლოგს წმენდისა და გეგმიური დაკვირვებისთვის. რეგულარული დაკვირვება იმის გარანტია, რომ თქვენი ვინირები ყოველთვის იდეალურ მდგომარეობაში იქნება და შეჰმატებს თქვენს ღიმილს მეტ თავდაჯერებულობას;
• რაც შეეხება მაღალ მჟავიან პროდუქტებს, როგორიცაა ციტრუსები, ღვინო და ა.შ. ხარისხიანი კერამიკული ვინირი მათ მიმართ აბსოლუტურად მდგრადია.

“ბლიც დენტალი - კახაბერ ხარებავას სტომატოლოგიური კლინიკის” (ვერა, ქუჩიშვილის ქუჩა n 11) გამოცდილი და კვალიფიციური ექიმები დაგეხმარებიან შეინარჩუნოთ პირის ღრუს ჯანმრთელობა და მცირედი კოსმეტიკური ჩარევით, სამუდამოდ დაემშვიდობოთ არაესთეტიურ ღიმილთან დაკავშირებულ პრობლემებს. ჩვენს კლინიკაში ამომწურავად გასცემენ პასუხს თქვენს ყველა შეკითხვას და დაგეხმარებიან, რაც შეიძლება სწრაფად და კომფორტულად მიიღოთ სასურველი შედეგი და დატკბეთ მომხიბვლელი ჰოლივუდური ღიმილით. 

დეტალური ინფორმაციის მისაღებად და პროცედურების დასაგეგმად, ჩაეწერეთ კონსულტაციაზე ან დაგვიკავშირდით ნომერზე: (+995) 322 22 15 16