ვინირები და მასთან დაკავშირებული მცდარი წარმოდგენები

25 ივლისი 2024

ვინირება ესთეტიკურ სტომატოლოგიაში ფართოდ გავრცელებული   მეთოდია, რომელის მეშვეობითაც შესაძლებელია კბილის ფორმის, ზომისა და ფერის კორექტირება. კლასიკური ვინირი მაგრდება კბილის ზედაპირზე წინა მხრიდან, ხოლომ ვინირ 360-ის შემთხვევაში ხდება კბილის მთლიანი ზედაპირის დაფარვა თხელი ფაიფურის (კერამიკის) ფირფიტებით, რომელიც იცავს კბილის ბუნებრივ ქსოვილს არასასურველი და მავნე ფაქტორებისგან. დენტალური ვინირები სხვადასხვა მასალისაგან მზადდება (ფაიფურის და კომპოზიტური ვინირები) და მათ, ძირითადად, გამოიყენებენ ორთოპედიული მიზნით, კბილების ფუნქციური და ვიზუალური გაუმჯობესებისას. პაციენტებს ჩვენს კლინიკაში აქვთ შესაძლებლობა ვინირება გაიკეთონ ანესთეზიის (ნარკოზის) გამოყენებით და ერთ დღეში, სრულიად უმტკივნეულოდ, ყველანაირი დისკომფორტის გარეშე მიიღონ საოცნებო ჰოლივუდის ღიმილი.

როგორ მოვემზადოთ ვინირებისთვის?

ვინირების უშუალო ფიქსაციამდე, მომზადების პროცესის დროს ექიმი შეისწავლის პაციენტის პირის ღრუს,  სკანერის და ფოტოპროტოკოლის გამოყენებით. ამ დროს იქმნება ყბა-კბილთა სისტემის ვირტუალური 3D სურათი. კომპიუტერული პროგრამის გამოყენება ( ვინირების 3D მოდელირება ) შესაძლებელს ხდის, პაციენტმა თავად შეიტანოს ცვილებები კბილების ფორმებში, ფერსა თუ ზომაში და უკეთ აღიქვას ის ორთოპედიული შედეგი, რომელიც კერამიკული (ფაიფურის) ვინირების ფიქსაციის შემდგომ მიიღწევა.

როდის უნდა ავირჩიოთ ვინირება?

კერამიკული (ფაიფურის) ვინირების გამოყენება “ჰოლივუდის ღიმილის” მისაღებად ერთ-ერთი ყველაზე თანამედროვე და პოპულარული მეთოდია. თითოეული პაციენტის კლინიკური მდგომარეობიდან გამომდინარე, არსებობს ღიმილის გალამაზების რამდენიმე მეთოდი. იმ შემთხვევაში თუ კბილები არ არის მნიშვნელოვნად დაზიანებული, წინა კბილების კომპოზიტებით  რესტავრაციის ან მთლიანად ცირკონის გვირგვინებით შეცვლის ალტერნატივად გვევლინება ფაიფურის (კერამიკა) ვინირები. ცირკონის გვირგვინებთან და კომპოზიტურ ვინირებთან შედარებით კერამიკის ვინირები გამოირჩევიან ბუნებრიობით, მათ აქვთ კბილისათვის დამახასიათებელი ფერი და სიპრიალე. კერამიკული ვინირები ჰარმონიულად ერწყმიან პაციენტის პირის ღრუს სტრქტურას და სახის ნაკვთებს. ამასთან ერთად ვინირი ემსახურება არა მარტო კბილის კოსმეტიკური პრობლემების მოგვარებს, არამედ ისინი კბილების დაშლასა და ტრავმებთან დაკავშირებულ მრავალ პრობლემას აგვარებენ და იცავენ კბილს შემდგომი დაზიანებისგან. იმ შემთხვევაში, თუ პაციენტის სურვილია არა მხოლოდ პირის ღრუს ესთეტიური ეფექტის გაუმჯობესება, ორთოპედიული ვინირების საშუალებით,  არამედ კბილების სრული დაცვა მავნე ზემოქმედებისაგან, შესაძლეველია მკურნალობა ჩატარდეს “ვინირ-360” მეთოდით. ვინირ 360 - ფუნქციურად იგივეა რაც კლასიკური ვინირი. ისევე როგორც კერამიკული ვინირი, ისიც გამოირჩევა კბილისათვის დამახასიათებელი ბუნებრივი სიპრიალითა და ფერით. განსხვავება იმაში მდგომარეობს, რომ ხდება კბილის ზედაპირის დაფარვა 360 გრადუსით, თხელი ფაიფურის ფირფიტით, რომელიც ყველა ზედაპირიდან იცავს კბილის ბუნებრივ ქსოვილს არასასურველი და მავნე ფაქტორებისგან: ბრუქსიზმი, დიდი რაოდენობით თამბაქო, პიგმენტური საკვები, ყავა და ა.შ. 

მცდარი წარმოდგენები ვინირებთან დაკავშირებით

საზოგადოდ გავრცელებულია აზრი, რომ ვინირების ფიქსაცია საჭიროებს კბილის სიღრმისეულ დამუშავებას, რაც სიმართლეს არ შეესაბამება. თანამედროვე ტექნოლოგიებისა და მასალების საშუალებით, ვინირების დროს კბილის პრეპარირება მინიმუმამდეა შემცირებული და მისი დამუშავება ხდება მინანქრის ფარგლებში.

შემდეგი მცდარი აზრი რომელიც ვინირებითან დაკავშირებითა არსებობს არის ის, რომ მათი დაფიქსირება შესაძლებელია მხოლოდ ზედა ყბის წინა კბილებზე. დენტალური  ვინირების ფიქსაცია შესაძლებელია როგორც ზედა ასევე ქვედა ყბის როგორც საჭრელებზე, ასევე ეშვებზე და პრემოლარებზეც (მე-4 დამე-5 კბილები).

ხშირია შემთხვევები, როდესაც პაციენტებს სურთ კერამიკული ვინირების გაკეთება, მაგრამ თავს იკავებენ, რადგან თვლიან, რომ კერამიკული ვინირები არ გამოირჩევიან გამძლეობით და დროის მოკლე მონაკვეთში აუცილებელი გახდება მათი გამოცვლა, ან ხელახალი ფიქსაცია. კერამიკულ ვინირებს არ აქვთ მოხმარების წინასწარ განსაზღვრული პერიოდი, რადგან მაღალხარისხიან ფაიფურს აქვს ცვეთის იგივე პარამეტრები, რაც ნატურალურ მინანქარს. შესაბამისად, კერამიკული ვინირები ხასიათდებიან მაღალი გამძლეობით, არ იცვლიან ფერს, დიდხან ინარჩუნებენ სიპრიალეს და ბუნებრივი კბილის ეფექტს.