ოსკარ უაილდმა ერთხელ თქვა: ”კარგი შთაბეჭდილების შექმნის მეორე შანსი არასოდეს არსებობს” და ის მართალი იყო. ნებისმიერი ურთიერთობის საწყისი ეტაპი ხშირ შემთხვევაში განსაზღვრავს მთლიანად ურთიერთობის პერსპექტივას და ჩვენ მხოლოდ შვიდი წამი გვაქვს იმისათვის, რომ პირველი შეხვედრისას თანამოსაუბრე ჩვენს მიმართ დადებითად განვაწყოთ.
ჩვენ მოვამზადეთ რამდენიმე რჩევა, რომელიც დაგეხმარებათ კარგი შთაბეჭდილების მოხდენაში.
თანამედროვე ეპოქაში ჯანსაღი კბილები და მომხიბვლელი ღიმილი უფრო და უფრო დიდ მნიშვნელობას იძენს. პირის ღრუს სწორი ჰიგიენა დაგეხმარებათ ვიზუალურად სასიამოვნო ღიმილის შენარჩუნებაში. ჰარმონიული და სასიამოვნო ღიმილი კი წარმატებული კომუნიკაციის მთავარი კომპონენტია. კვლევებმა აჩვენა, რომ თეთრი, ლამაზი კბილები და მოვლილი პირის ღრუ არა მარტო თქვენზე, არამედ გარშემო მყოფებზეც ახდენს ფსიქოლოგიურ ზეგავლენას.
ლამაზი ღიმილი შეგმატებთ თავდაჯერებულობას. თუ კბილები სწორი, ჯანსაღი და თეთრია, სხვებთან ურთიერთობა უფრო კომფორტულია. თქვენ უფრო თავდაჯერებული ხართ საუბრისას რადგან იცით, რომ შთამბეჭდავი ღიმილი გაქვთ. მათ, ვისაც აწუხებს პირის ღრუს ვიზუალთან დაკავშირებული პრობლემები, პირიქით, უჭირთ მოსაუბრეებთან დიალოგის გამართვა და სასიამოვნო შთაბეჭდილების დატოვება, რადგან ისინი, ნაკლებად იღიმიან და ვერ გამოხატავენ ემოციებს ღიად..
ლამაზი ღიმილი გაახალგაზრდავებთ. ადამიანები, რომლებიც ყოველთვის იღიმიან, უფრო ახალგაზრდულად გამოიყურებიან. კვლევების თანახმად, ღიმილი ავარჯიშებს სახის კუნთებს და აუმჯობესებს კანის ელასტიურობას და ამით აფერხებს ნაოჭების გაჩენას.
ლამაზი ღიმილი გაგხდით უფრო მიმზიდველს. ევროპის წამყვან უნივერსიტეტებში ჩატარებულმა კვლევებმა აჩვენა, რომ თეთრი და სიმეტრიული კბილების მქონე ადამიანები საპირისპირო სქესისათვის უფრო მიმზიდველები არიან.
ღიმილით თქვენ მოიპოვებთ მოსაუბრის კეთილგანწყობას პირველი შეხვედრისას. „ბლიც დენტალი - კახაბერ ხარებავას კლინიკა“ გიზიარებთ ხერხს თუ როგორ დატოვოთ უკეთესი შთაბეჭდილება: პირველ რიგში, შეხედეთ ადამიანის სახეს, დაიცავით რამდენიმე წამიანი ინტერვალი და შემდეგ გაიღიმეთ. ეს პაუზა თქვენს ღიმილს უფრო გულწრფელს გამოაჩენს.
მომზადება დაგეხმარება ნაკლებად ინერვიულო შეხვედრამდე. არ აქვს მნიშვნელობა პირველი შეხვედრა იქნება პოტენციურ კლიენტთან თუ დამსაქმებელთან, მნიშვნელოვანია წინასწარ სოციალური ქსელების ან და სხვა საძიებო სისტემების საშუალებით მოძებნოთ ზოგადი ინფორმაცია ამ პიროვნებასთან დაკავშირებით. ეს ყველაფერი დაგეხმარებათ მოიფიქროთ, რამდენიმე სასაუბრო თემა და ნახოთ საერთო ინტერესები. პარტნიორისათვის საინტერესო თემებზე საუბარი, შესანიშნავი საწყისია კარგი შთაბეჭდილების მოსახდენად.
თუ შეხვედრამდე ცოტა დრო გაქვთ, გაიარეთ რეპეტიცია. სარკის წინ წარმოიდგინეთ, თითქოს იმ ადამიანს ესაუბრებით, გაიღიმეთ, მიიღეთ შესაბამისი პოზა და დააკვირდით თქვენს ჟესტებს. ექსპერტები ამბობენ, რომ შეხვედრის წინასწარ ვიზუალიზაციით ყოველთვის უკეთეს შედეგს მიიღებთ.
ყნოსვის შეგრძნება მჭიდრო კავშირშია მეხსიერებასთან. თუ გსურთ, რომ დაგიმახსოვრონ (კარგი გაგებით) საგულდაგულოდ შეარჩიეთ არომატი. პირველი შეხვედრისას გამოიყენეთ მსუბუქი კომპოზიცია, რომელიც არ გაართულებს თქვენს იმიჯს და დაისხით მცირე რაოდენობით.
დარწმუნდით, რომ არჩეული იმიჯი, არჩეულ თემას და შეხვედრის თემატიკას შეეფერება. იმისთვის, რომ თავიდან აირიდოთ შესაძლო უხერხულობა, გაიგეთ ხომ არ იგეგმება მკაცრი დრეს-კოდი. ყოველთვის აირჩიეთ ტანსაცმელი და ფეხსაცმელი, რომელშიც თავს კომფორტულად იგრძნობთ. წინააღმდეგ შემთხვევაში, თქვენი უხერხულობა შესამჩნევი იქნება, რაც სასიამოვნო შთაბეჭდილების მოხდენაში არ დაგეხმარებათ.
პუნქტუალურობა ნიშნავს, რომ თქვენ პატივს სცემთ დროს, ამიტომ ყოველთვის დაიჭირეთ თადარიგი ფორსმაჟორისთვის, რათა ნებისმიერ შემთხვევაში დროულად მიხვიდეთ.
იმის ნაცვლად, რომ საუბარი საკუთარ თავზე დაიწყოთ, დააკვირდით მოსაუბრეს და დაუსვით რამდენიმე შეკითხვა. ასე თქვენ დამატებითი დრო გექნებათ საკუთარი სიტყვის მოსამზადებლად. თვალი ადევნეთ, არ ჩაერიოთ საუბარში, გამოამჟღავნეთ ინტერესი და მოწონება (მაგალითად თავის დაკვრით). ეს მცირე ჟესტები თანამოსაუბრეს აგრძნობინებენ, რომ თქვენ ყურადღებით უსმენთ.
სხეულის ენა უფრო მეტს ამბობს თქვენზე , ვიდრე გგონიათ. კვლევების თანახმად, დაახლოებით 90% კომუნიკაციისა ითვლება არა ვერბალურად. დარწმუნდით, რომ გამართული ხართ, როდესაც ზიხართ ან დგახართ. ენერგიულად პასუხობთ ხელის ჩამორთმევაზე, უყურებთ თვალებში საუბრისას და თანხმობის შემთხვევაში არ გავიწყდებათ თავის მსუბუქი დაკვრა. ეს დაარწმუნებს მოსაუბრეს თქვენს თვითდაჯერებულობაში. მნიშვნელოვანია ასევე ყურადღების სწორი აქცენტი. არაფერია იმაზე უარესი, ვიდრე ისაუბრო ადამიანთან, რომელიც ყოველთვის იყურება თავის ტელეფონში. ეს აჩვენებს, რომ ის გონებით აქ არ არის. გამორთეთ ტელეფონი (დააყენეთ უხმო რეჟიმი) და მიაქციეთ ყურადღება მოსაუბრეს.
მოსაუბრესთან მხედველობითი კონტაქტის დამყარებისას მნიშვნელოვანია დავიცვათ „60/40 წესი“. როცა ერთი ადამიანი მეორესთან დიდხანს ამყარებს თვალებით კონტაქტს, ეს ხშირად მეორის მიერ აგრესიად აღიქმება. ექსპერტი გირჩევთ, ამის მაგივრად ვიზუალური კონტაქტი გაზარდოთ, როცა პირველად ხვდებით ვინმეს. 60/40-ის წესი ამ სიტუაციაში გამოსადეგია - დაამყარეთ თვალებით კონტაქტი დროის დაახლოებით 60%-ის განმავლობაში. იგივე რჩევა შეიძლება გამოიყენოთ ქალსა და მამაკაცის ურთიერთობთან დაკავშირებითაც.
განსაკუთრებით მნიშვნელოვანია შეხვედრაზე მშვიდი განწყობის შენარჩუნება. დილით, მომზადების პროცესში შეგიძლიათ მოუსმინოთ სასიამოვნო მუსიკას, დალიოთ დამამშვიდებელი ჩაი. ასევე მნიშვნელოვანია სწორი პარფიუმის შერჩევა. თქვენთვის ნაცნობი და საყვარელი სურნელი დაგეხმარებათ მოდუნდეთ შეხვედრის წინ.
რა არის კბილების გათეთრება?
კბილების გათეთრება არის სტომატოლოგიური პროცედურა, რომლის მთავარი მიზანია კბილების ფერის გაუმჯობესება, ნადების მოცილება და მათი ბუნებრივი სიქათქათის აღდგენა. ეს პროცედურა განსაკუთრებით პოპულარულია მათთვის, ვისაც სურს ნათელი, ბუნებრივად მიმზიდველი და თავდაჯერებული ღიმილი.
ბავშვის პირველი ვიზიტი სტომატოლოგთან, რატომ არის მნიშვნელოვანი და რა გავლენას ახდენს ბავშვის ფსიქოლოგიაზე?
დღევანდელ ბლოგში „ბლიც დენტალი - კახაბერ ხარებავას კლინიკა" გაგაცნობთ კბილების გათეთრებასთან დაკავშირებულ ყველაზე გავრცელებულ მითებსა და რეალობას. ეს ინფორმაცია დაგეხმარებათ მიიღოთ სწორი გადაწყვეტილება თქვენი ღიმილის გალამაზებისთვის.
ინოვაციური ტექნოლოგიები გვეხმარება პაციენტამდე მივიტანოთ ხარისხიანი, უშეცდომო და სწრაფი სერვისი
რატომ არის მნიშვნელოვანი რეგულარული ვიზიტი სტომატოლოგთან ?
დენტალური იმპლანტაციის საჭიროება დგება მაშინ, როცა პაციენტს სრულად აქვს კბილი დაკარგული, შესაბამისად ყბის ძვალში ფესვი არ არის.
რჩევები, რომლებიც დაგვეხმარება დავიცვათ ჩვენი შვილების კბილები კარიესისაგან.
პირის ღრუს მოვლის საშუალებათა გზამკვლევი.
რა არის გნათოლოგია: პირის ღრუს ჯანმრთელობის ძირითადი ასპექტები.
კარიესის ეფექტური მკურნალობა ჩანართებით.
კბილების მომატებული მგრძნობელობა: მიზეზები, სიმპტომები და ეფექტური მკურნალობა.
საკვები, რომელიც დაგეხმარებათ შეინარჩუნოთ პირის ღრუს ჯანმრთელობა და მომხიბვლელი ღიმილი.
კბილების ჯანმრთელობასთან დაკავშირებული რჩევები.
ყველაზე გავრცელებული შეცდომები კბილის მოვლისას.
როგორ დაძლიოთ სტომატოლოგის მიმართ შიში და გავიუმჯობესოთ ჯანმრთელობა.
რა უნდა ვიცოდეთ კბილის არხების მკურნალობაზე?
მომზადება, სარგებელი და გავრცელებული მითები.
რა არის სინუს ლიფტინგი და როდის ხდება ეს პროცედურა აუცილებელი.
საოცნებო ღიმილი მხოლოდ და მხოლოდ 1 დღეში.