რა უნდა გავითვალისწინოთ კბილის პასტის შერჩევისას

09 დეკემბერი 2022

დღეისათვის, ბაზარზე კბილის პასტისა და პირის ღრუს ჰიგიენის საშუალებების ფართო არჩევანია და მომხმარებლისათვის, ხშირ შემთხვევაში, საკმაოდ დამაბნეველია ფართო ასორტიმენტიდან გამომდინარე სწორი არჩევანის გაკეთება.

ბლოგში გაგაცნობთ იმ საკითხებს, რაც უნდა გაითვალისწინოთ კბილის პასტის შერჩევისას.

II ქიმიური შემადგენლობა

უმჯობესია, შეარჩიოთ კბილის პასტა, რომლის შემადგენლობაშიც არ არის SLS (ნატრიუმის ლაურილ სულფატი - sodium lauryl sulfate). ნატრიუმის ლაურილ სულფატი კბილის პასტებს ქაფის წარმოქმნის მიზნით ემატება, მაგრამ, ხშირია ისეთი კლინიკური შემთხვევები, როდესაც  SLS  იწვევს სტომატიტებს და ალერგიებს პირის ლორწოვან გარსზე. ამასთან ერთად, კბილის პასტის შეძენისას უნდა დავაკვირდეთ მის შეფუთვასაც.

კბილის პასტის შეფუთვის ბოლოში დატანილი  სხვადასხვა ფერის სიმბოლო განსაზღვრავს მათ ქიმიურ შემადგენლობას.

• შავი კვადრატი - გულისხმობს, რომ კბილის პასტა არ არის  ნატურალური და ძირითადად დამზადებულია ქიმიური ნივთიერებების გამოყენებით. 
• წითელი კვადრატი - გულისხმობს რომ კბილის პასტა შეიცავს ხელოვნურ და ნატურალურ დანამატებს. 
• ლურჯი კვადრატი - ასეთი კბილის პასტები შეიცავს ბუნებრივ და ხელოვნურ ინგრედიენტებს, თუმცა მასში ბუნებრივი დანამატები ჭარბობს. 
• მწვანე კვადრატი -  ასეთი კბილის პასტა მხოლოდ ბუნებრივი კომპონენტებითაა დამზადებული და არ შეიცავს ქიმიურ დანამატს.

II კბილის პასტის ტიპები

ქიმიურ შემადგენლობასთან ერთად, მნიშვნელოვანია კბილის პასტა თქვენს საჭიროებებზე იყოს მორგებული. არსებობს სხვადასხვა ტიპის კბილის პასტა:

• ფტორის შემცველი კბილის პასტები

იმ შემთხვევაში, თუ თქვენი კბილები მიდრეკილია კარიესის განვითარებისკენ, ბლიც დენტალი - კახაბერ ხარებავას კლინიკა გირჩევთ, გამოიყენოთ ფტორის შემცველი კბილის პასტა. ფტორი ბუნებრივი მინერალია, რომლის შემცველობა კბილის პასტაში ხელს უშლის კარიესის განვითარების შესაძლებლობას და გეხმარებათ შეინარჩუნოთ ჯანსაღი და მომხიბვლელი ღიმილი

• ნადების საწინააღმდეგო კბილის პასტები

არსებობს კბილის პასტები, რომელთა მთავარი ფუნქციაც კბილების დაცვა ნადებისგან.  ასეთ პასტებს ხშირად იყენებენ მწეველები და არა მარტო. ისინი ძირითადად შეიცავენ ნატრიუმის პიროფოსფატს, რომელიც ხელს უშლის ნადების წარმოქმნას. რა თქმა უნდა, თუ პაციენტს აღენიშნება ნადები და ან კბილის ქვები მისი მოშორება მხოლოდ კბილის პასტით შეუძლებელია და აუცილებელია კბილების პროფესიონალური წმენდის ჩატარება.

• ანთების საწინააღმდეგო კბილის პასტები

ბაზარზე მრავლადაა ისეთი კბილის პასტები, რომელებსაც სისხლდენისა და ანთების საწინააღმდეგო მოქმედება აქვთ. ასეთ კბილის პასტებს ექიმები რეკომენდაციას უწევენ მაშინ, როდესაც პაციენტს აღენიშნება  პაროდონტის დაავადებები. მკურნალობის პროცესში, ასეთი კბილის პასტებისა თუ სავლებების გამოყენება შეიძლება მხოლოდ ექიმის რეკომენდაციით. 

• მათეთრებელი კბილის პასტები

მათეთრებელი ეფექტის მქონე კბილის პასტები შეიცავენ ისეთ ინგრედიენტებს, რომლებიც ქიმიურად ათეთრებენ კბილებს. მნიშვნელოვანია პაციენტს ესმოდეს, რომ პერმანენტულად მათეთრებელი კბილის პასტების გამოყენება არ არის რეკომენდებული, რადგან მათ შესაძლოა მგრძნობელობის მომატება გამოიწვიონ. თუ თქვენ გაქვთ მგრძნობიარე კბილები (მაღალი მგრძნობელობა ცივ და ცხელ საკვებზე)  მოერიდეთ მათეთრებელი კბილის პასტების გამოყენებას.

• არომატიზირებული კბილის პასტები

თანამედროვე ფარმაცევტულ ბაზარზე ბევრია ისეთი კბილის პასტა, რომელსაც სპეციფიური არომატიზატორი აქვს შემადგენლობაში და ისინი კბილის გახეხვის შემდგომ სასიამოვნო არომატს ტოვებენ პირის ღრუში. ბლიც დენტალი - კახაბერ ხარებავას კლინიკა გირჩევთ, კბილის პასტის შეძენამდე აუცილებლად გაეცნოთ მის  შემადგენლობას. ისეთ კბილის პასტებს, რომლებსაც ტკბილი გემო აქვთ შეიძლება შემადგენლობაში დიდი რაოდენობით ხელოვნური დამატკბობლი ჰქონდეს, რაც არ არის სასურველი. კბილის პასტაში არსებულმა დამატკბობლებმა შეიძლება კარიესი გამოიწვიოს.  

• მგრძნობელობის დამაქვეითებელი პასტები

ის პაციენტები, რომლებიც ხშირად იყენებენ კბილის მათეთრებელ საშუალებებს ან ხშირად იტარებენ ქიმიურ გათეთრებას, უჩივიან კბილების მომატებულ მგრძნობელობას.  ასეთ შემთხვევებში რეკომენდირებულია მგრძნობელობის დამაქვეითებელი კბილის პასტების გამოყენება. მგრძნობელობის დამაქვეითებელი პასტები შეიცავენ კალიუმის ნიტრატს, რაც ეხმარება კბილს სიჯანსაღის დაბრუნებაში.

• მცენარეული კბილის პასტები

იმ პაციენტებს რომლებიც უპირატესობას ბუნებრივ ნივთიერებების ანიჭებენ, სტომატოლოგები ურჩევენ, პერიოდულად ბუნებრივი ინგრედიენტების შემცველი კბილის პასტების გამოყენონ. ასეთები ტიპის კბილის პასტები არ შეიცავენ ფტორს და ძირითადად მცენარეული შემადგენლობა აქვთ.  მცენარეული კბილის პასტის შერჩევისას უნდა გაითვალისწინოთ, რომ უმეტესწილად ასეთ კბილის პასტებს ახასიათებთ სპეციფიური გემო.

• საბავშვო კბილის პასტები

მსოფლიოს წამყვანი სტომატოლოგები თანხმდებიან იმაზე, რომ ბავშვებმა კბილები, მათი ასაკისათვის შესაბამისი, საბავშო პასტებით უნდა გაიხეხონ და არა დიდებისთვის განკუთვნილი საშუალებებით. ხსირად, კბილების გაწმენდისას ბავშვები ყლაპავენ პასტას, ასეთ დრო კბილის პასტების ზოგიერთი შემადგენლობა შესაძლოა საშიში აღმოჩნდეს მათი ჯანმრთელობისთვის. გარდა ამისა, საბავშვო პასტების შემადგენლობაში შედის ისეთი ნივთიერებები, რომლებიც ეხმარება პატარების კბილებს საჭირო მინერალების მიღებაში.  

ბლიც დენტალი - კახაბერ ხარებავას კლინიკის გუნდი გირჩევთ, პირის ღრუს ჰიგიენაზე ზრუნვისას, გაითვალისწინოთ თქვენი კბილებისა და ღრძილების ინდივიდუალური მახასიათებლები და რჩევისთვის მიმართოთ თქვენს სტომატოლოგს.