თანამედროვე ეპოქაში წარმოუდგენელია გამოვიყურებოდეთ ლამაზად და არ გვქონდეს ჯანსაღი, მიმზიდველი ღიმილი. კბილების ფუნქცია არ შემოიფარგლება მხოლოდ ღეჭვისა და საკვების გადამუშავების ფუნქცით სიმეტრიული კბილთა მწკრივი და ჯანსაღი პირის ღრუ, ასევე გვეხმარება სწორად წარმოვთქვათ ბგერები და შევინარჩუნოთ სახის ნაკვთების სიმეტრია.
„ბლიც დენტალი - კახაბერ ხარებავას კლინიკა“ გთავაზობთ იმ რჩევებს, რომელთა გათვალისწინებაც დაგეხმარებათ თავიდან აიცილოთ ყველაზე ხშირად დაშვებული შეცდომები, გახადოთ თქვენი ღიმილი მიმზიდველი და დიდი ხნის მანძილზე შეინარჩუნოთ პირის ღრუს სიჯანსაღე.
კბილების ჯანმრთელობის შენარჩუნების ერთ-ერთი ყველაზე მარტივი წესია, კბილების რეგულარული გახეხვა, თქვენი პირის ღრუსათვის შესაფერისი ჯაგრისით. კბილების გახეხვა არის ჰიგიენის დაცვის უპირველესი გზა, რომელსაც ნებისმიერი სტომატოლოგი გირჩევთ. თუმცა, ასევე მნიშვნელოვანია, თუ როგორ იხეხავთ კბილებს და იჭერთ კბილის ჯაგრისს. როდესაც ჯაგრისით იწმენდთ პირის ღრუს, დარწმუნდით, რომ კბილის ჯაგრისი მოთავსებულია 45გრადუსიანი კუთხით, ღრძილების ხაზის ზემოთა ნაწილში. ასევე, მიაქციეთ ყურადღება, რომ კბილებს მინიმუმ 2 წუთის განმავლობაში იხეხავდეთ ისე, რომ კბილების ზედაპირის უმეტეს ნაწილს (როგორც წინა ასევე უკანა მხარე) კბილის ჯაგრისი სათანადო კუთხით ამუშავებდეს. კბილების გახეხვის შემდგომ, გაიწმინდეთ ენა. გაიხეხეთ ენის ზედაპირი და სასა, რათა დარწმუნდეთ, რომ პირის ღრუ თავისუფალია ბაქტერიებისგან. ეს ყველაფერი თავიდან აგარიდებთ პირის ღრუდან წამოსულ არასასიამოვნო სუნს.
ყველამ ვიცით, რომ ფლოსინგი (კბილის გაწმენდა სპეციალური ძაფებით) დიდ დროს მოითხოვს, და ხშირად გრძელი და დამღლელი დღის შემდეგ, ამ პროცედურის ჩატარებაზე უარს ვამბობთ. აუცილებელია გახსოვდეთ რომ, კბილების გახეხვის შემდეგაც კი, კბილების ზედაპირის მინიმუმ 40% -ზე არსებული ბაქტერიები ხელუხლებელი რჩება. ძაფებისა და ირიგატორის გამოყენება უზრუნველყოფს კბილთა შორის სივრცეში დარჩენილი საკვები ნაწილაკების მოცილებას. ამ ნადების ამოღება შეუძლებელია ჩვეულებრივი ჯაგრისის გამოყენებით. სწორედ ამიტომ, რეკომენდირებულია ძაფების და ირიგატორის გამოყენება დღეში ერთხელ მაინც.
თამბაქოზე უარის თქმა არის ერთ-ერთი შესანიშნავი გზა, რომლითაც შეგიძლიათ დაიცვათ პირის ღრუ სერიოზული პრობლემებისგან. თამბაქოს მოხმარების შემცირება თავიდან აგარიდებთ პაროდონტის ისეთი დაავადებებს, როგორებიცაა: ღრძილების ანთება (პაროდონტიტი), სასისა და ენის სიმსივნე და სხვა. თქვენი კბილების დაზიანება შეუძლია ასევე ალკოჰოლის პერმანენტულ მოხმარებასაც, რადგან ამ დროს პირის ღრუში (და ასევე მთელს ორგანიზმში ) ირღვევა მჟავა - ტუტოვანი ბალანსი.
კოფეინის შემცველ სასმელებს შეუძლიათ მიაწოდონ ენერგია თქვენს ორგანიზმს, მაგრამ მათი მუდმივი მიღება საფრთხეს უქმნის თქვენი კბილების ჯანმრთელობას. შაქრის მაღალი შემცველობის გაზიანი სასმელები ასუსტებენ კბილებს და იწვევენ ისეთ სტომატოლოგიურ პრობლემას, როგორიცაა კარიესი. ამასთან ერთად, ჩაი და ყავა ფერს უცვლის კბილებს (და მათზე არსებულ ბჟენებს) და აძლევს მათ მოყვითალო ელფერს.
კბილებს დიდი რაოდენობით კალციუმი სჭირდებათ. აუცილებელია ჯანსაღი საკვების რაციონში ჩართვა, როგორებიცაა: რძე, იოგურტი, ყველი, ფორთოხლის წვენი და სხვა ვიტამინებით, კალციუმით მდიდარი საკვები.
მნიშვნელოვანია, მიმართოთ სტომატოლოგს მინიმუმ 6 თვეში ერთხელ და ჩაიტაროთ კბილების პროფესიონალური წმენდა. ასე თავიდან აირიდებთ კბილებზე ნადებისა და ქვების წარმოქმნას და ხელს შეუშლით კარიესის განვითარებას.
რა ხდება მაშინ, როცა თქვენ შაქრიან საკვებს მიირთმევთ? ამ დროს ბაქტერიები შლიან შაქარს და წარმოქმნიან მჟავებს, რაც პირდაპირ აზიანებს კბილებს. თუ გსურთ შაქრიანი საკვების მიღება, გაითვალისწინეთ, რომ ნებისმიერი ტკბილეულის მირთმევის შემდეგ პირის ღრუ საგულდაგულოდ უნდა გაიწმინდოთ (სულ მინიმუმ გამოვივლოთ წყალი პირის ღრუში) და ამით ხელი შეუშალოთ ბაქტერიების გამრავლებას.
„ბლიც დენტალი - კახაბერ ხარებავას კლინიკაში“ თქვენ დაგხვდებათ მშვიდი, თქვენს საჭიროებებზე სრულად მორგებული, კომფორტული გარემო და პროფესიონალ ექიმთა გუნდი, რომელიც დაგეხმარებათ პირის ღრუსთან დაკავშირებული ყველა პრობლემის მოგვარებაში. ჩვენი გუნდის მთავარი მიზანია მივცეთ პაციენტებს შესაძლებლობა დატკბნენ მომხიბვლელი, ჯანსაღი ღიმილით.
ვიზიტის დასაჯავშნად ჩაეწერე კონსულტაციაზე
სტომატოლოგიური განვადების პირობების შესახებ დეტალური ინფორმაციის მისაღებად დაგვიკავშირდით ნომერზე: (+995) 322 22 15 16
რა არის კბილების გათეთრება?
კბილების გათეთრება არის სტომატოლოგიური პროცედურა, რომლის მთავარი მიზანია კბილების ფერის გაუმჯობესება, ნადების მოცილება და მათი ბუნებრივი სიქათქათის აღდგენა. ეს პროცედურა განსაკუთრებით პოპულარულია მათთვის, ვისაც სურს ნათელი, ბუნებრივად მიმზიდველი და თავდაჯერებული ღიმილი.
ბავშვის პირველი ვიზიტი სტომატოლოგთან, რატომ არის მნიშვნელოვანი და რა გავლენას ახდენს ბავშვის ფსიქოლოგიაზე?
დღევანდელ ბლოგში „ბლიც დენტალი - კახაბერ ხარებავას კლინიკა" გაგაცნობთ კბილების გათეთრებასთან დაკავშირებულ ყველაზე გავრცელებულ მითებსა და რეალობას. ეს ინფორმაცია დაგეხმარებათ მიიღოთ სწორი გადაწყვეტილება თქვენი ღიმილის გალამაზებისთვის.
ინოვაციური ტექნოლოგიები გვეხმარება პაციენტამდე მივიტანოთ ხარისხიანი, უშეცდომო და სწრაფი სერვისი
რატომ არის მნიშვნელოვანი რეგულარული ვიზიტი სტომატოლოგთან ?
დენტალური იმპლანტაციის საჭიროება დგება მაშინ, როცა პაციენტს სრულად აქვს კბილი დაკარგული, შესაბამისად ყბის ძვალში ფესვი არ არის.
რჩევები, რომლებიც დაგვეხმარება დავიცვათ ჩვენი შვილების კბილები კარიესისაგან.
პირის ღრუს მოვლის საშუალებათა გზამკვლევი.
რა არის გნათოლოგია: პირის ღრუს ჯანმრთელობის ძირითადი ასპექტები.
კარიესის ეფექტური მკურნალობა ჩანართებით.
კბილების მომატებული მგრძნობელობა: მიზეზები, სიმპტომები და ეფექტური მკურნალობა.
საკვები, რომელიც დაგეხმარებათ შეინარჩუნოთ პირის ღრუს ჯანმრთელობა და მომხიბვლელი ღიმილი.
კბილების ჯანმრთელობასთან დაკავშირებული რჩევები.
ყველაზე გავრცელებული შეცდომები კბილის მოვლისას.
როგორ დაძლიოთ სტომატოლოგის მიმართ შიში და გავიუმჯობესოთ ჯანმრთელობა.
რა უნდა ვიცოდეთ კბილის არხების მკურნალობაზე?
მომზადება, სარგებელი და გავრცელებული მითები.
რა არის სინუს ლიფტინგი და როდის ხდება ეს პროცედურა აუცილებელი.
საოცნებო ღიმილი მხოლოდ და მხოლოდ 1 დღეში.