წარმოუდგენელია გამოვიყურებოდეთ ლამაზად და არ გვქონდეს ჯანსაღი, მიმზიდველი ღიმილი. კბილების ფუნქცია არ შემოიფარგლება მხოლოდ ღეჭვისა და საკვების მონელების პროცესის გამარტივებით. სიმეტრიული კბილთა მწკრივი და ჯანსაღი პირის ღრუ ასევე გვეხმარება სწორად წარმოვთქვათ ბგერები და შევინარჩუნოთ სახის ნაკვთების სიმეტრია.
„ბლიც დენტალი - კახაბერ ხარებავას სტომატოლოგიური კლინიკა“ გთავაზობთ იმ რჩევებს, რომელთა გათვალისწინებაც, დაგეხმარებათ გახადოთ თქვენი ღიმილი ჰარმონიული და დიდი ხნის მანძილზე შეინარჩუნოთ პირის ღრუს სიჯანსაღე.
კბილების ჯანმრთელობის შენარჩუნების ერთ-ერთი ყველაზე მარტივი წესია კბილების რეგულარული გახეხვა. კბილების გახეხვა არის ჰიგიენის დაცვის უპირველესი გზა, რომელსაც ნებისმიერი სტომატოლოგი გირჩევთ.
თუმცა, ასევე მნიშვნელოვანია, თუ როგორ იხეხავთ კბილებს და იჭერთ კბილის ჯაგრისს. როდესაც ჯაგრისით იწმენდთ პირის ღრუს, დარწმუნდით, რომ კბილის ჯაგრისი მოთავსებულია 45 - გრადუსიანი კუთხით ღრძილების ხაზის ზემოთა ნაწილში. ასევე, მიაქციეთ ყურადღება რომ კბილებს მინიმუმ 2 წუთის განმავლობაში იხეხავთ ისე, რომ კბილების ზედაპირის უმეტეს ნაწილს (როგორც წინა ასევე უკანა მხარე) კბილის ჯაგრისი სათანადო კუთხით ამუშავებს. როდესაც დაასრულებთ კბილების გახეხვას, აუცილებლად გაიწმინდეთ ენა. გაიხეხეთ ენის ზედაპირი და სასა, რათა დარწმუნდეთ, რომ პირის ღრუ თავისუფალია ბაქტერიებისგან. ეს ყველაფერი თავიდან აგარიდებთ არასასიამოვნო სუნს.
ყველამ ვიცით, რომ ფლოსინგი (კბილის გაწმენდა სპეციალური ძაფებით) დიდ დროს მოითხოვს, მაგრამ გახსოვდეთ ერთი რამ: კბილების გახეხვის შემდეგაც კი, კბილების ზედაპირის მინიმუმ 40% ხელუხლებელი რჩება. ძაფების გამოყენება ხელს უწყობს, კბილთა შორის სივრცეში დარჩენილი, საკვები ნაწილაკების და სხვა ნივთიერებების მოცილებას, რომელთა ამოღებაც შეუძლებელია ჩვეულებრივი ჯაგრისის გამოყენებით. ამიტომ რეკომენდირებულია ძაფების გამოყენება დღეში ერთხელ მაინც.
პირის ღრუს ჰიგიენის შესანარჩუნებლად ასევე შეგიძლიათ გამოიყენოთ, პირის ღრუს ირიგატორი. ირიგატორის მთავარი დანიშნულებაა, წნევის ზემოქმედებით შექმნას სითხის თხელი ნაკადი, რომელიც ასუფთავებს კბილის რთულად მისადგომ ზონებს ნადებისგან და იგი განსაკუთრებით ეფექტურია ბრეკეტების, იმპლანტების, ორთოპედიული გვირგვინებისა და ვინირების დროს.
თამბაქოზე უარის თქმა არის ერთ-ერთი შესანიშნავი გზა, რომლითაც შეგიძლიათ დაიცვათ პირის ღრუ სერიოზული გართულებებისაგან. თამბაქოს მოხმარების შემცირება თავიდან აგარიდებთ პაროდონტის ისეთი დაავადებებს, როგორებიცაა, მაგალითად: ღრძილების ანთება (პაროდონტიტი) სასისა და ენის სიმსივნე და სხვა. თქვენი კბილების დაზიანება შეუძლია ასევე ალკოჰოლის პერმანენტულ მოხმარებასაც, რადგან ამ დროს პირის ღრუში (და ასევე მთელს ორგანიზმში ) ირღვევა მჟავა - ტუტოვანის ბალანსი.
ეჭვგარეშეა, რომ კოფეინის შემცველ სასმელებს შეუძლიათ მიაწოდონ ენერგია თქვენს ორგანიზმს, მაგრამ ამასთან ერთად, მათი გადაჭარბებული მიღება შეიძლება საფრთხის შემცველი იყოს თქვენი კბილებისთვის. შაქრის მაღალი შემცველობის გაზიანი სასმელები ასუსტებენ თქვენს კბილებს და იწვევენ ისეთ სტომატოლოგიურ პრობლემას, როგორიცაა კარიესი. ამასთან ერთად, ჩაი და ყავა ფერს უცვლის კბილებს და ხდის მათ არაესთეტიურს.
კბილებს დიდი რაოდენობით კალციუმი სჭირდება. აუცილებელია ჯანსაღი საკვების მიღება, როგორებიცაა: რძე, იოგურტი, ყველი, ფორთოხლის წვენი და სხვა ვიტამინებით, კალციუმით მდიდარი საკვები.
თქვენ უნდა მიმართოთ სტომატოლოგს მინიმუმ 6 თვეში ერთხელ და ჩაიტაროთ კბილების პროფესიონალური წმენდა. ასე თავიდან აირიდებთ კბილებზე ქვების წარმოქმნას და ხელს შეუშლით კარიესის განვითარებას.
რა ხდება, როცა შაქრიან საკვებს მიირთმევთ? ამ დროს ბაქტერიები შლიან შაქარს და წარმოქმნიან მჟავებს, რაც თავის მხრივ კბილებს აზიანებს. თუ გსურთ შაქრიანი საკვების მიღება გაითვალისწინეთ, რომ ნებისმიერი ტკბილეულის მირთმევის შემდეგ, პირის ღრუ საგულდაგულოდ უნდა გაიწმინდოთ და ხელი შეუშალოთ ბაქტერიების გამრავლებას.
საღეჭი რეზინი კარგი საშუალებაა პირის ღრუში ნერწყვის გამომუშავებისთვის, ნერწყვს აქვს დამცავი ფუნქცია, რადგან იგი აბალანსებს მჟავიანობას პირის ღრუში და ხელს უშლის კბილის ემალის დაზიანებას (კარიესის განვითარებას). ანტიბაქტერიული პირის ღრუს სავლები კი დაგეხმარებათ თავიდან აიცილოთ უსიამოვნო სუნი, კბილების გაფუჭება და ღრძილების პრობლემები.
აუცილებლად გამოიყენეთ ფტორის შემცველი კბილის პასტა ყოველდღიურად. ფტორი აჯანსაღებს კბილის ზედაპირს და აწვდის მას საჭირო მინერალებს.
წყლის სათანადო რაოდენობის მიღება პირდაპირ კავშირშია კბილებისა და პირის ღრუს ჯანმრთელობასთან. სასმელ წყალს შეუძლია გააძლიეროს თქვენი კბილის მინანქარი და გახადოს იგი ნაკლებად მიდრეკილი კარიესისკენ.
ფასების შესახებ ზოგადი ინფორმაციის მისაღებად ესტუმრეთ გვერდს: სტომატოლოგიური კლინიკა ფასები
რა არის კბილების გათეთრება?
კბილების გათეთრება არის სტომატოლოგიური პროცედურა, რომლის მთავარი მიზანია კბილების ფერის გაუმჯობესება, ნადების მოცილება და მათი ბუნებრივი სიქათქათის აღდგენა. ეს პროცედურა განსაკუთრებით პოპულარულია მათთვის, ვისაც სურს ნათელი, ბუნებრივად მიმზიდველი და თავდაჯერებული ღიმილი.
ბავშვის პირველი ვიზიტი სტომატოლოგთან, რატომ არის მნიშვნელოვანი და რა გავლენას ახდენს ბავშვის ფსიქოლოგიაზე?
დღევანდელ ბლოგში „ბლიც დენტალი - კახაბერ ხარებავას კლინიკა" გაგაცნობთ კბილების გათეთრებასთან დაკავშირებულ ყველაზე გავრცელებულ მითებსა და რეალობას. ეს ინფორმაცია დაგეხმარებათ მიიღოთ სწორი გადაწყვეტილება თქვენი ღიმილის გალამაზებისთვის.
ინოვაციური ტექნოლოგიები გვეხმარება პაციენტამდე მივიტანოთ ხარისხიანი, უშეცდომო და სწრაფი სერვისი
რატომ არის მნიშვნელოვანი რეგულარული ვიზიტი სტომატოლოგთან ?
დენტალური იმპლანტაციის საჭიროება დგება მაშინ, როცა პაციენტს სრულად აქვს კბილი დაკარგული, შესაბამისად ყბის ძვალში ფესვი არ არის.
რჩევები, რომლებიც დაგვეხმარება დავიცვათ ჩვენი შვილების კბილები კარიესისაგან.
პირის ღრუს მოვლის საშუალებათა გზამკვლევი.
რა არის გნათოლოგია: პირის ღრუს ჯანმრთელობის ძირითადი ასპექტები.
კარიესის ეფექტური მკურნალობა ჩანართებით.
კბილების მომატებული მგრძნობელობა: მიზეზები, სიმპტომები და ეფექტური მკურნალობა.
საკვები, რომელიც დაგეხმარებათ შეინარჩუნოთ პირის ღრუს ჯანმრთელობა და მომხიბვლელი ღიმილი.
კბილების ჯანმრთელობასთან დაკავშირებული რჩევები.
ყველაზე გავრცელებული შეცდომები კბილის მოვლისას.
როგორ დაძლიოთ სტომატოლოგის მიმართ შიში და გავიუმჯობესოთ ჯანმრთელობა.
რა უნდა ვიცოდეთ კბილის არხების მკურნალობაზე?
მომზადება, სარგებელი და გავრცელებული მითები.
რა არის სინუს ლიფტინგი და როდის ხდება ეს პროცედურა აუცილებელი.
საოცნებო ღიმილი მხოლოდ და მხოლოდ 1 დღეში.