დენტალური იმპლანტაცია წარმოადგენს ადენტიის (უკბილობის) მკურნალობის უალტერნატივო მეთოდს.
დენტალური იმპლანტაციის დროს ძვალში თავსდება ხელოვნური ფესვი (იმპლანტი), რომელზეც შემდგომში ფიქსირდება ხელოვნური კბილი (გვირგვინი). მიუხედავად იმისა, რომ კბილის ამოღების შემდეგ დარჩენილი სივრცის შევსების რამდენიმე ალტერნატივა არსებობს, კბილის იმპლანტები რჩება ყველაზე ინოვაციურ გადაწყვეტილებად. მას შემდეგ, რაც დენტალური იმპლანტები მაგრდება დაკარგული კბილის ადგილზე, განსხვავება მასსა და ბუნებრივ კბილებს შორის თვალისათვის შეუმჩნეველი ხდება.
იმპლანტი შედგება სამი ძირითადი ნაწილისგან, ესენია: ტიტანის ხელოვნური ფესვი, რომელიც ინტეგრირდება ძვალში; იმპლანტის აბატმენტი, რომელიც ხელოვნურ გვირგვინს აკავშირებს ტიტანის ხელოვნურ ფესვთან და თვითონ იმპლანტის ხელოვნური გვირგვინი, რომელიც ვიზუალურად ბუნებრივი კბილის ანალოგია.
დაკარგული კბილის იმპლანტით ჩაანაცვლება ძალიან მნიშვნელოვანია პირის ღრუს ზოგადი ჯანმრთელობის შენარჩუნებაში, რადგან იმპლანტები გვაძლევენ არა მარტო ვიზუალურ ეფექტს, არამედ ფუნქციურადაც აჯანსაღებენ ყბა-სახის სისტემას.
დენტალური იმპლანტის ერთ-ერთი მთავარი უპირატესობა არის ის, რომ ის ბუნებრივ კბილებს ჰგავს და ჰარმონიულად ერწყმის პაციენტის პირის ღრუს.
ყოველდღიურ ცხოვრებაში, როდესაც იღიმით და საუბრობთ, დენტალური იმპლანტის გვირგვინის დამახასიათებელი ფერისა და ბუნებრივი კბილის ემალთან მიახლოებული სიპრიალის გათვალისწინებით შეუძლებელია ითქვას, რომ ის ხელოვნურია. მნიშვნელოვანია ის გარემოებაც, რომ დენტალური იმპლანტზე განთავსებული გვირგვინი ძალიან ჰგავს ბუნებრივ კბილებს, არა მარტო ვიზუალურად, არამედ იმ შეგრძნებებითაც, რომელსაც პაციენტი იღებს მისი უშუალო გამოყენებისას, ღეჭვის პროცესში. პაციენტები ყბის ძვალში იმპლანტის არსებობას ვერც კი გრძნობენ, ხოლო, როდესაც ენა ეხება იმპლანტის გვირგვინის ნაწილს, ის ისეთივე გლუვია, როგორც ბუნებრივი კბილი.
იმის გამო, რომ დენტალური იმპლანტები არ არის დამზადებული ბუნებრივი კბილის მასალისგან, ის გამოირჩევა კარიესისა და სხვა სახის დაავადებების მიმართ გამძლეობით. ის უძლებს დიდ დატვირთვას, არის მდგრადი ცვეთის მიმართ.
დენტალურ იმპლანტებს დადებითი გავლენა აქვს პაციენტის თვითშეფასებაზე. ვერაფერი დააზარალებს ადამიანის თავდაჯერებულობას ისე, როგორც ცუდი ღიმილი. დენტალური იმპლანტებით დაკარგული კბილების ჩანაცვლებას, შეუძლია მნიშვნელოვნად გააუმჯობესოს ადამიანის ყოველდღიური ცხოვრება და მისცეს მას საშუალება დატკბეს მიმზიდველი, ჰარმონიული ღიმილით.
რაც შეეხება დენტალური იმპლანტების მოვლის პორცესს, სახლის პირობებში იმპლანტის მოვლა საკმაოდ მარტივია და ძალიან გავს ბუნებრივი კბილის მოვლის წესებს. საჭიროა მათი რეგულარული წმენდა კბილის ჯაგრისით და ირიგატორის გამოყენება.
როდესაც კბილები, პირის ღრუში განლაგებულია ერთმანეთის გვერდიგვერდ მყარად, ხოლო მათ შორის ცარიელი სივრცე მინიმალურია, ისინი არ მოძრაობენ და შესაბამისად დაცული არიან მორყევისა და სხვა რაიმე სახის დაზიანებებისაგან.
მას შემდეგ, რაც პაციენტი კარგავს კბილს და დაკარგული კბილის ადგილას, პირის ღრუში ჩნდება ცარიელი სივრცე კბილთა მწკრივი ირევა, გამოთავისუფლებული ადგილი არღვევს კბილების სიმტკიცეს და აძლევს მათ საშუალებას დაიწყონ მოძრაობა. კბილთა მწკრივში კბილების მოძრაობა, თავის მხრივ იწვევს ღრძილების გაღიზიანებას, კბილთა შორის სივრცეში საჭმლის ნარჩენების დაგროვებას, ბაქტერიების გამრავლებასა, რაც შემდგომ კარიერის წარმოქმნის წინაპირობაა. სწორედ ამიტომ განსაკუთრებით მნიშვნელოვანია, კბილის ამოღების შემდგომ, დროის მოკლე ხანში მოხდეს ცარიელი სივრცის იმპლანტით შევსება.
დაკარგულმა კბილმა შეიძლება გამოიწვიოს თქვენი სახის ნაკვთების ცვლილება. მსოფლიოს წამყვანი სტომატოლოგები თანხმდებიან იმაზე, რომ დაკარგული კბილის ადგილას წარმოქმნილი სივრცე, რომლის შევსებაც სათანადო წესით არ მომხდარა იმპლანტით, იწვევს პაციენტის სახის ნაკვთებს ცვლილებას და ვიზუალურად ხდის სახეს ასიმეტრიულს.
დაკარგული კბილის მხარეს ღეჭვის ფუნქცია დაქვეითებულია, რაც ლოგიკურია რადგან პაციენტს ღეჭვის პროცესში ხელს ცარიელი სივრცე უშლის. ყბის ერთ მხარეს ღეჭვის შეზღუდვა და დატვირთვის სრულად მეორე „ჯანსაღ“ მხარეს გადატანა თავის მხრივ იწვევს სახისა და ყბის კუნთების არათანაბარ სტიმულირებას რასაც მივყავართ ასიმეტრიამდე. სახის ერთ მხარეს კუნთი მოდუნებულია, შესაბამისად ლოყა და ზოგადად სახის სილუეტი დაბლა არის დაშვებული, მეორე მხარეს კი პირიქით, ზედმეტი აქტიურობის გამო ყბის კუნთი ტონუსშია რაც ვიზუალურად შეშუპების ეფექტს ტოვებს. ერთი შეხედვით ჩანს, თითქოს პაციენტს ყბა და ლოყის ნაწილი შესიებული აქვს.
ბლიც დენტალ კახაბერ ხარებავას სტომატოლოგიური კლინიკა გთავაზობთ, თქვენს საჭიროებებზე მორგებულ, კომფორტულ გარემოს. ჩვენი გუნდის ექიმები იზრუნებენ თქვენი პირის ღრუს ჯანმრთელობაზე და მოგცემენ შესაძლებლობას დატკბეთ მიმზიდველი, ჰარმონიული ღიმილით.
ფასების შესახებ ზოგადი ინფორმაციის მისაღებად ესტუმრეთ გვერდს: სტომატოლოგიური კლინიკა ფასები
რა არის კბილების გათეთრება?
კბილების გათეთრება არის სტომატოლოგიური პროცედურა, რომლის მთავარი მიზანია კბილების ფერის გაუმჯობესება, ნადების მოცილება და მათი ბუნებრივი სიქათქათის აღდგენა. ეს პროცედურა განსაკუთრებით პოპულარულია მათთვის, ვისაც სურს ნათელი, ბუნებრივად მიმზიდველი და თავდაჯერებული ღიმილი.
ბავშვის პირველი ვიზიტი სტომატოლოგთან, რატომ არის მნიშვნელოვანი და რა გავლენას ახდენს ბავშვის ფსიქოლოგიაზე?
დღევანდელ ბლოგში „ბლიც დენტალი - კახაბერ ხარებავას კლინიკა" გაგაცნობთ კბილების გათეთრებასთან დაკავშირებულ ყველაზე გავრცელებულ მითებსა და რეალობას. ეს ინფორმაცია დაგეხმარებათ მიიღოთ სწორი გადაწყვეტილება თქვენი ღიმილის გალამაზებისთვის.
ინოვაციური ტექნოლოგიები გვეხმარება პაციენტამდე მივიტანოთ ხარისხიანი, უშეცდომო და სწრაფი სერვისი
რატომ არის მნიშვნელოვანი რეგულარული ვიზიტი სტომატოლოგთან ?
დენტალური იმპლანტაციის საჭიროება დგება მაშინ, როცა პაციენტს სრულად აქვს კბილი დაკარგული, შესაბამისად ყბის ძვალში ფესვი არ არის.
რჩევები, რომლებიც დაგვეხმარება დავიცვათ ჩვენი შვილების კბილები კარიესისაგან.
პირის ღრუს მოვლის საშუალებათა გზამკვლევი.
რა არის გნათოლოგია: პირის ღრუს ჯანმრთელობის ძირითადი ასპექტები.
კარიესის ეფექტური მკურნალობა ჩანართებით.
კბილების მომატებული მგრძნობელობა: მიზეზები, სიმპტომები და ეფექტური მკურნალობა.
საკვები, რომელიც დაგეხმარებათ შეინარჩუნოთ პირის ღრუს ჯანმრთელობა და მომხიბვლელი ღიმილი.
კბილების ჯანმრთელობასთან დაკავშირებული რჩევები.
ყველაზე გავრცელებული შეცდომები კბილის მოვლისას.
როგორ დაძლიოთ სტომატოლოგის მიმართ შიში და გავიუმჯობესოთ ჯანმრთელობა.
რა უნდა ვიცოდეთ კბილის არხების მკურნალობაზე?
მომზადება, სარგებელი და გავრცელებული მითები.
რა არის სინუს ლიფტინგი და როდის ხდება ეს პროცედურა აუცილებელი.
საოცნებო ღიმილი მხოლოდ და მხოლოდ 1 დღეში.