10 ფაქტი, რომელიც უნდა ვიცოდეთ კბილების გათეთრებაზე

14 აპრილი 2022

თანამედროვე სამყაროში თეთრი კბილები, ჯანმრთელობისა და წარმატების სიმბოლოა. ღიმილს მომხიბვლელსა  და სასიამოვნოს პირველ რიგში კბილებს თეთრი, ჯანსაღი ფერი და ბრწყინვალება ხდის. „ბლიც დენტალ - კახაბერ ხარებავას კლინიკა“ წარმოგიდგენთ ათ ფაქტს, რომელიც კბილების გათეთრების შესახებ აუცილებლად უნდა იცოდეთ.

1. კბილები, როგორც ღრუბელი

რთულად დასაჯერებელია, მაგრამ ფაქტია, ადამიანის კბილები აგებულებით ძალიან წააგავს ღრუბელს. მას აქვს ზუსტად, ისეთივე ფორები, როგორიც ჩვენს კანს და შესაბამისად კბილის ქსოვილებს გააჩნიათ შესაძლებლობა „შეიწოვონ“ ესა თუ ის ნივთიერება. ნებისმიერი საკვები რომელსაც აქვს მკვეთრი შეფერილობა, ამ ფორებში შეღწევის გზით უცვლის ფერს თქვენს კბილებს. სწორედ ამიტომაა, რომ ღვინის, ყავის თუ სიგარეტის ჭარბ მოხმარებას ასეთი ძლიერი ეფექტი აქვს კბილის ქსოვილებზე და ალაქავებს მათ. კბილის ლაქების მოშორება და მათი სასიამოვნო, თეთრი ფერის დაბრუნება დღესდღეობით სირთულეს აღარ წარმოადგენს. „ბლიც დენტალ - კახაბერ ხარებავას კლინიკაში“ თქვენ გაგიწევენ პროფესიონალურ კონსულტაციას და მოგცემენ რჩევებს თუ რა პროცედურებია თქვენს საჭიროებებზე ყველა მეტად მორგებული.

2. კბილის გათეთრება არ აზიანებს კბილის ქსოვილებს

მოსაზრება იმის შესახებ, რომ კბილის გათეთრების პროცედურა აზიანებს კბილის ქსოვილებს და აკარგვინებს ემალის საფარს საჭირო მინერალებს, მცდარია. კბილის გათეთრების თანამედროვე პროცედურები სრულიად უსაფრთხოა პაციენტის პირის ღრუს ჯანმრთელობისთვის. ამ შემთხვევაში განსაკუთრებული მნიშვნელობა ენიჭება სტომატოლოგის გამოცდილებასა და პროფესიონალიზმს. სწორად ჩატარებული პროცედურა არ დააზიანებს თქვენს კბილებს და მიანიჭებს მას მიმზიდველ, მკვეთრ ფერს.

 3. კბილის გათეთრების მეთოდები

არსებობს კბილების გათეთრების ორი ძირითადი მეთოდი, რომელსაც ხშირად მიმართავენ თანამედროვე ეპოქაში. ინდივიდუალური კაპებით კბილების გათეთრებისასპაციენტი სტომატოლოგის დანიშნულებისამებრ იყენებს მათეთრებელ გელს სახლის პირობებში, ხოლო კბილი თეთრდება 2-4 ტონით. რაც შეეხება გათეთრების ოფისის სისტემას ეს პროცედურა არ არის ხანგრძლივი და საკმაოდ ეფექტურია. იგი გულისხმობს კბილების გათეთრებას Flash სისტემით. პროცედურა პაციენტისათვის სრულიად უმტკივნეულოა და შესაძლებელია კბილების გათეთრება 5-7 ტონით.

 4. მომატებული მგრძნობელობა

კბილების გათეთრების პროცედურის ჩატარების შემდეგ, მომატებული მგრძნობელობა საკმაოდ იშვიათი მოვლენაა. ხშირია ისეთი შემთხვევებიც როდესაც პაციენტს, პროცედურის შემდეგ საერთოდ არ აქვს მომატებული მგრძნობელობა და დისკომფორტის შეგრზნება. იმ შემთხვევაში თუ გათეთრების პროცედურის შემდეგ, დაფიქსირდა კბილის ქსოვილების მომატებული მგრძნობელობა, თქვენ უნდა იცოდეთ, რომ ეს სრულიად ბუნებრივია და არ წარმოადგენს საგანგაშო გვერდით მოვლენას. იგი ხშირ შემთხვევაში დამოკიდებულია ისეთ გენეტიკურ ფაქტორზე როგორიცაა: თხელი ემალი. დისკომფორტი, როგორც წესი 18-36 საათის შემდეგ სრულიად ქრება და პაციენტი უბრუნდება ცხოვრების ჩვეულ რიტმს.

 5. კბილების პროფესიული წმენდა არ ნიშნავს კბილების გათეთრებას

ხშირია შემთხვევები, როდესაც პაციენტებს კბილების პროფესიული წმენდა, კბილების გათეთრების ერთ-ერთი მეთოდი ჰგონიათ. ეს შეხედულება მცდარია. კბილების პროფესიული წმენდის დროს კბილების ზედაპირს შორდება  ქვები და საკვებისგან წარმოქმნილი ნადები. სწორედ ამიტომ  ეს მანიპულაცია კბილებს უბრუნებს ბუნებრივ ფერს და ვიზუალურად ღიმილი უფრო თეთრი და მომხიბვლელი ხდება, ვიდრე პროცედურამდე იყო.

6. ვინირები და გათეთრება

როდესაც პაციენტი იღებს გადაწყვეტილებას, გაიკეთოს ვინირები ან და  ფაიფურის გვირგვინები, მათი ფერის შერჩევა ხდება  კბილის ბუნებრივი ფერის გათვალისწინებით. რათა პირის ღრუ და ღიმილი იყოს ჰარმონიული. ხელოვნურად დამზადებული კბილის საფარი მასალები, იქნება ეს ფაიფურის ვინირები, ცირკონის გვირგვინები და ა.შ. არ იცვლიან ფერს, შესაბამისად მათზე არ მოქმედებს არც კბილის ბუნებრივი ქსოვილის  მათეთრებელი საშუალებები.

7. საუკეთესო დრო თქვენი კბილების გასათეთრებლად, სახლის პირობებში

საუკეთესო დრო თქვენი კბილების გასათეთრებლად არის ღამე. გათეთრებისთანავე (მიუხედავად იმისა, თუ რა პროდუქტს იყენებთ), თქვენი კბილები ხდება შედარებით უფრო მგრძნობიარე, რადგან თქვენს კბილებში არსებული  ფორები ჩვეულებრივზე უფრო გაფართოებულია და შესაბამისად უფრო დიდია შანსი, რომ მათში საჭმლისა თუ სასმლის პიგმენტები მოხვდება. სწორედ ამიტომ „ბლიც დენტალ კახაბერ ხარებავას კლინიკის“ სტომატოლოგები გირჩევენ  მათეთრებელი გელი სახლის პირობებში გამოიყენოთ ძილის წინ, რადგან ეს ამცირებს ლაქების წარმოქმნის შესაძლებლობას და აძლევს თქვენს კბილებს საკმარის დროს  ღამის მანძლზე  დაიწყოს რეჰიდრატაცია და რემინერალიზაცია.

8. როგორ უნდა მოვიქცეთ გათეთრების პროცედურის შემდეგ?

„ბლიც დენტალ - კახაბერ ხარებავას კლინიკის“ სტომატოლოგები გირჩევენ კბილების გათეთრების პროცედურის ჩატარების შემდეგ დაიცვათ ე.წ „თეთრი დიეტა“ 2 კვირის განმავლობაში, სასურველია თავი შევიკავოთ ფერადი საკვებისა და სასმელისაგან რათა მისცეთ თქვენი კბილების ფორებს დახურვისათვის საჭირო დრო და დიდხანს შეინარჩუნოთ ლამაზი, თეთრი ღიმილი.

9. კბილების გათეთრება არ არის რეკომენდირებული:

• ორსულებისთვის და (მეძუძური დედებისთვის) დედებისთვის ლაქტაციის პერიოდში
• ბავშვებისთვის და არასრულწლოვანებისთვის
• პაციენტებისთვის ემალის აქტიური ცვეთით
• ღრძილების დაავადების დროს
• ორთოდონტიული მკურნალობის დროს

 10. როგორ შევინარჩუნოთ ეფექტი დიდი ხნის მანძილზე?

იმისთვის, რომ პაციენტმა დიდი ხნის მანძილზე შეინარჩუნოს სასიამოვნო ღიმილი და დატკბეს კბილების სიკაშკაშით აუცილებელია გაითვალისწინოს რამდენმე ძირითადი რეკომენდაცია. პირველ რიგში უნდა მოერიდოს მუქი ფერის საკვებსა და სასმელს, როგორიცაა ყავა, ღვინო და ა.შ. ასევე რეკომენდირებულია კბილების მათეთრებელი ეფექტის მქონე კბილის პასტის ყოველდღიური გამოყენება.

შეიძლება დაგაინტერესოთ:

1. თამბაქოს გავლენა პირის ღრუს ჯანმრთელობაზე
2. 10 რჩევა როგორ მოვუაროთ კბილებს სწორად
3. სტომატოლოგიური კლინიკა - ბლიც დეტალი